Home Police Chauffeur herida na cabes, despues di a accidenta ariba rotonde di Hospitaal

Chauffeur herida na cabes, despues di a accidenta ariba rotonde di Hospitaal

SHARE

Rotonde Hospitaal/ Caya Punta Brabo Diasabra algo prome cu 12’or mey anochi polis a bay e rotonde cu ta conecta cu Caya Punta Brabo.

Eynan lo a sosode un accidente y e chauffeur lo a resulta herida.

Na yegada polis a constata cu ta trata di un vehiculo so, tawata trata di un Glanza color blanco.

E chauffeur tawata biniendo for di panort, y dado momento a perde control ariba e auto y a bay termina contra e acera parti pabou.

Un impacto basta fuerte unda cu e auto a subi acera y por a mira cu ambos airbag a sali. Den e impacto e chauffeur lo a haya golpi basta duro na cabes.

Na yegada di ambulance e Paramediconan a atende y despues a opta pa e bay Hospitaal cu ta algun minuut leu di unda e la accidenta.

Compania di seguro tambe a presenta y un takelwagen lo mester a presenta pa move e auto cu no por a core mas ariba su mesun forsa.