Mama a pidi asistencia di polis pa yiu cu a bay cu su auto sin permiso

J.E IRAUSQUIN BOULEVARD  – Diasabra den oranan di merdia un mama preocupa a yama polis y ta avisanan cu su yiu homber a bay su auto nobo.

Manera esaki a sosode polis a cuminsa move, buscando un Toyota Yaris color cora.

Dentro di algun minuut un patruya a tuma lo a spot e auto den area di Alhambra.

Brevemente a perde di bista, pero a bin localisa e yiu homber y e auto ariba e tereno di Divi All Inclusive.

Aki agentenan a detene e hoben cu lo ta un pashent di Respaldo y segun por a conpronde e lo tawata bou influencia di un of mas substancia e momento ey.

Polis a pidi transportwagen y tambe takelwagen pa bay cu e auto.