Luznan di trafico out of order un biaha mas: Accidentenan di trafico aumentando atrobe na crusada di Palm Beach

Palm Beach – Diaranson atardi algo pasa di 5:30 polis a bay e crusada di Palm Beach. Aki nan un dos auto a accidenta.

Ultimamente accidentenan di trafico a bolbe aumenta, debi cu pa algun dia caba e luznan di trafico no ta trahando. Door di esaki por a nota un subi den accidente di trafico.

Diaranson atardi e Lexus bayendo zuid a haye confronta cu un Kia Sportage, cu a subi e crusada sin pone atencion ariba trafico na su man drechi.

Chauffeur di Lexus a trata na maniobra, pero asina mes a dal e parti patras di e Sportage birando e cara pariba.

Dos ocupante a resulta levemente herida.

A pidi pa ambulance, y na yegada Paramediconan a trata e dos personanan na e sitio mes.

Daño material ta considerabel.