Home Local Bucuti & Tara Beach Resort Atrobe ta Wordo Nombra Best of the...

Bucuti & Tara Beach Resort Atrobe ta Wordo Nombra Best of the Best

SHARE

 

 E resort ta gana cuatro TripAdvisor 2020 Travelers’ Choice Best of the Best Awards demonstrando cu amor semper ta gana na Bucuti & Tara Beach Resort 

EAGLE BEACH, Aruba – Amor, un di e sentimentonan di mas poderoso na mundo, por wordo experencia den Caribe na Bucuti & Tara Beach Resort segun TripAdvisor®. E website di mas grandi y poderoso di mundo a caba di anuncia su 2020 Travelers’ Choice Awards. Pa 5 aña consecutivo y entre hopi competencia, Bucuti & Tara a wordo nombra No. 1 Hotel pa Romance den Caribbe y No. 8 Hotel pa Romance na Mundo. 

Completando e honornan aki, Bucuti & Tara a wordo nombra e No. 1 Hotel den Caribe y su trahadornan a wordo premia No. 3 pa Servicio den Caribe. Bucuti & Tara su hogar na Eagle Beach tambe a haya honornan top manera e No. 4 Beach den Caribe y No. 7 Beach na Mundo. 

Den un mundo yena cu diferente tipo di media, reviews y premionan, TripAdvisor ta lo ultimo den biahamento. Den un 2020 YouGov Brand Index, participantenan a indica cu e brand cu ta duna nan e impresionnan di mas positivo ta TripAdvisor cu un score di 85.4%, cu ta substancialmente mas compara cu otro potencianan mundial manera Booking.com cu 76%, Amazon cu 74% y te asta Google cu un score di 71%. 

Ganadornan ta wordo calcula a base di e calidad y cantidad di miyones di reviews, opinionnan y ratings colecta riba TripAdvisor den aña 2019, prome cu e pandemia. Cu mas di 8.7 miyon di companianan registra riba TripAdvisor, e premionan aki ta un testament na e servicio y calidad cu ganadornan ta duna na nan clientenan constantemente. 

“Esaki tawata un aña duro pa nos industria, pero e deseo mundial pa sigui explora, sea si e destinacion ta un ora leu of na otro banda di mundo, ta sigui persisti fuertemente. Nos ta apasiona di guia biaheronan na e experencianan bunita y mihor cu tin, specialmente e cosnan bon cu ta wordo reconoci den un hotel, restaurante of aerolinea cu ta haci tur locual nan por pa asina brinda e mihor servicio posibel.” Lindsay Nelson, chief experience y brand officer na TripAdvisor ta conta. “E Travelers’ Choice program ta un manera cu biaheronan y bishitantenan di restaurant por beneficia di experencianan di otro hende, pa asina nan por plania e biahe perfecto cu ta na acuerdo cu nan deseonan, budget y style.” 

“E ta continua di ta un honor increibel pa ta TripAdvisor su No. 1 Hotel den Caribe, No. 1 Hotel pa Romance den Caribe y mas” ta wordo conta door di Ewald Biemans, doño/CEO di Bucuti & 

Tara Beach Resort. “Nos ta lesa y responde cu accion y den forma escrito na cada review y e premionan aki ta un testament na nos huespednan leal y nos team di trahadornan duro cu ta berdadero profesionalnan di hospitalidad.” 

Perfeccionando e vakantie di mas romantico den Caribe E no ta un secreto cu Bucuti & Tara ta situa y ta cuida un di e pida nan di mas bunita di nos naturalesa, rondona door di santo blanco cu ta acompaña e awa blauw di Eagle Beach. Un ambiente romantico y trankilidad ta yena e aire rond di bo manera bo drenta e propiedad. 

E proceso pa bira e Caribe su No. 1 Hotel pa Romance ta resulta despues di dedicacion y consistencia intenso di e hotelero apasiona y premia Ewald Biemans. Biemans a dicidi hopi añanan atras cu Bucuti & Tara no lo ta tur cos pa tur hende, encambio e lo ta completamente dedica na amor y parehanan romantico, locual ta exclui casi tur otro cos manera biahenan familiar of biahenan den grupo. Na Bucuti & Tara, sustainability y wellness ta extensionnan di su compromiso na romanticismo. E Caribe su prome y unico carbon-neutral hotel ta cuida su hendenan mes un bon cu e ta cuida e planeta. 

For di e momento cu un pareha ta haci su reservacion, nan concierge personal ta cuminsa yuda nan prepara pa e biahe di mas romantico di nan bida. E concierge ta cuminsa cu un pre-arrival survey, cu ta indica nan preferencianan y cu ta yuda e concierge escohe opcionnan adecua pa e pareha. E concierge team ta crea un agenda cu opcion elegante y exclusivo manera sunset sailing riba un yate priva, un picnic moderno, un pelicula bou di streanan of un cena romantico den un cabana priva cu butler service. E romance concierges por haci tur aspecto di un pareha su estadia exclusivo, por ehempel door di brinda e VIP airport arrival and departure service, experiencianan di wellness, sea un beach bootcamp pa dos of un les di yoga priva cu Aruba su top instructornan di yoga, of tambe lo por simplemente pasa un momento romantico mientras e pareha ta wordo sirbi door di un butler riba beach. 

E popular adults-only resort ta ofrece cada huesped espacionan amplio paden y pafor. Pa añas caba Bucuti ta reconoci pa su social distance – parehanan no tin cu ni haci nan check-in na un front desk. Nan concierge personal ta saluda nan na e entrada y ta hiba nan na nan camber pa asina nan completa nan check-in via iPad. Parehanan ta relaha riba loungers sofistica y por bai explora Bucuti su beach trankilo. Sun loungers luhoso tin 8 meter di distancia pa asina cada pareha por tin privacidad completo sin tin cu worry cu hende ta hala serca di nan y pa asina nan por enfoca riba otro. 

TripAdvisor su senior researchers ta comparti informacion nobo tocante biaheronan Hunto cu e anuncio di e ganadornan di e 2020 Travelers’ Choice, TripAdvisor su senior researchers a tene un webinar special pa comparti informacion di nan users. Tin un demanda grandi pa biahenan aisla y romantico cu un index di 123 (siendo cu 100 normalmente ta e averahe) y tin un deseo mas grandi pa experencianan pafor of cu mas espacio, locual a score 117 entre esnan cu ta gusta bai beach y 151 pa excursionistanan. Mientras e mundo ta 

pasando door di e efectonan di COVID-19, TripAdvisor ta revela cu amantenan di biahe a cuminsa book biahenan atrobe. 

Bucuti & Tara Beach Resort: E destinacion mas saludabel y seguro den Caribe Manera e hotel di mas eco-certifica den region, Bucuti semper tawata tin atencion mayor pa salubridad y seguridad di su huespednan y e planeta. Su protocolnan di seguridad nobo contra COVID-19 a wordo guia door di e reglanan y recomendacionnan di Center for Disease Control, World Health Organization y tambe a wordo evalua personalmente door di doctornan y verpleegsters di ICU (intensive care unit) cu a keda na Bucuti & Tara durante e lunanan di Maart y April. 

Cu e experencia di check-in completamente touch-free, combina cu protocolnan di seguridad grado hospitalario y hi-tech, y cu Aruba su seyo di Health & Happiness Code, huesped por ta sigur cu nan por relaha y ta den vacation mode durante nan estadia na Bucuti & Tara Beach Resort. 

Pa haya sa mas, bishita Bucuti.com. 

###