Home Police Polis a detene chauffeur hoben, cu a bay dal contra auto cu...

Polis a detene chauffeur hoben, cu a bay dal contra auto cu hit&run su auto un rato prome

SHARE

Venusstraat/Jupiterstraat – Diamars anochi algo pasa di 10’or algun unidad policial di Playa a bay altura di E.P.I , unda cu lo a surgi un problema di hit and run.

Patruyanan cu tawata ariba caya mesora a yega e sitio, cu ta e crusada di Venusstraat cu Jupiterstraat. Ey nan a bin topa cu dos vehiculo marca Honda.

E Honda Fit a bay pega of dal contra e Honda Inspire. Na stuur di e Honda Inspire tawata tin un dama.

Na e sitio nos a compronde cu e Honda Inspire lo a dal contra e Honda Fit ariba De LaSallestraat y sigui bay. Pa ta exacto poco mas pabou di e rotonde di Sero Blanco.

Chauffeur di e Honda Fit mirando cu e no a para lo a sigui’e. Eynan e Honda Fit lo a drenta den Venusstraat bin ariba den verboden y yegando parti pariba di E.P.I  e la bay dal e Honda Inspire.

E hoben na stuur di e Honda Fit posiblemente lo a pensa cu e ta haci lo corecto, debi cu e dama chauffeur a dal contra nan prome ariba De LaSallestraat y sigui bay.

Pero na e sitio aparentemente polis lo ta mire otro, cu lo ta intencional haci.

Y pa e motibo aki a detene e chauffeur hoben na e sitio cu lo a keda “sorprendi”, debi cu e lo a pensa di tawata haci lo corecto pa asina stop e auto cu a hit&run su auto.

Polis di trafico tambe tawata na caminda pa e sitio. Mientrastanto transportwagen a ser pidi pa hiba e chauffeur di e Honda Fit warda di Playa.

No ta mucho cla dicon polis no a detene e dama chauffeur tambe, cu segun esnan den e Honda Fit lo a dal contra nan prome.

Agente di trafico cu a presenta na e sitio lo mester a bay warda di Playa despues di a compila informacion altura di E.P.I pa papia cu chauffeur di e Honda Fit.

No ta conoci si e lo keda deteni te mainta of e la wordo laga liber.