Home Entertainment THE MOVIES NA DRIVE IN TA HABRI CU CONCIERTO DI JEON DIARANSON...

THE MOVIES NA DRIVE IN TA HABRI CU CONCIERTO DI JEON DIARANSON ANOCHI

SHARE

 


Diamars mainta riba e tereno di The Movies at The Drive In a tuma lugar un rueda di prensa unda cu MetaCorp, Balashi, Jeon y Elite Productions a elabora riba e concierto di Jeon den formato di ‘Drive In’. Ta asina cu diaranson atardi pa 6.30 dia 28 di July e portanan di Drive In lo habri bek despues di varios aña. Den apenas algun siman MetaCorp y The Movies a logra prepara e ekiponan necesario y tambe e tereno pa asina por opera bek. E prome evento lo ta un concierto grandi unda cu Jeon y su banda completo lo entretene aproximadamente 350 auto. Hunto cu Jeon lo tin presentacion di varios d.j. local den e ‘pre-show’. Locual ta hasi e apertura aki asina special ta e hecho cu tur fondo recauda lo ta destina pa Fundacion pa nos Comunidad y Fundacion pa hende Muher den dificultad. Elite Productions & Entertainment a prepara un stage grandi cu efectonan di luz cu lo ilumina e cielo y e tereno di Drive In den un forma masha bunita. Durante e rueda di prensa a comparti e detayenan tambe di e sigiente dianan cu lo duna oportunidad na e empleadonan di MetaCorp y su companianan pa mira un pelicula. Diabierna anochi lo tin e prome pelicula pa publico general.

Sigiendo riba e anochi di concierto cu lo ta dia 29 di July 2020, e ta importante pa tur hende tene nan mes na reglanan stipula pa asina por tin mas di e di e eventonan aki.

Reglanan:
Entre Otro: E capacidad lo ta limita, Solamente autonan cu plachi di number den e categoria A por drenta, Pues ta exclui tur otro tipo di vehiculo manera truck, utv, atv, bicicleta etc. Ta permiti solamente 5 persona pa vehiculo. Tur persona mester keda paden di nan auto. Solamente ora di bay cumpra algo di bebe, come of baño por sali pafor. Tampoco e ta permiti pa para y of baila banda di e auto. No ta permiti pa trese stul, cuminda y of bebida di bo mes. Finalmente no ta permiti pa para auto pafor di e cura di Drive In.

Cada vehiculo tende e sonido di e concierto den su auto. Esaki lo keda transmiti atraves di e señal FM 95.7. Entrada lo ta 35 florin pa auto y evento lo termina pa 10 or di anochi.