Home » Promer Minister Evelyn Wever- Croes riba e masterplan dinamico nacional: Reposicionando e Rumbo di Nos Pais

Promer Minister Evelyn Wever- Croes riba e masterplan dinamico nacional: Reposicionando e Rumbo di Nos Pais

by Admin
0 comment 94 views

 

 

Cu un gratitud profundo por informa comunidad cu Gobierno di Aruba a comparti cu  participantenan y actornan  e prome version  di e Masterplan “Reposicionando e Rumbo di Nos Pais” of “Repositioning Our Sails”. E Masterplan tin como meta pa guiiua Aruba den e direccion di su recuperacion economico y futuro resiliente.

 

Por medio di un plataforma nacional yama, Comision Recuperacion Economico y Innovacion Aruba, consistiendo di mas di 125 persona trahando a base voluntario, a crea un Masterplan pa Aruba cu ta presenta reformanan structural y accionnan concreto pa crea un base solido pa recuperacion economico y un futuro resiliente. E Masterplan aki ta conta cu un base amplio di conocemento di expertonan local, di e.o sector publico y priva, y tambe ta tene cuenta cu estudionan y plannan existente di e ultimo añanan.

 

Na e momento aki Gobierno di Aruba ta den proceso di ricibi comentarionan di e participantenan y actornan pa asina por sigui pa presenta e plan den forma oficial na comunidad di Aruba den e proximo dos simannan.

 

Den nomber di Gobierno di Aruba un biaha mas ta gradici tur participante pa nan contribucion di un forma of otro na e proceso aki. Nos ta aprecia y ta balora boso tempo, esfuerso, contribucion y ta sumamente agradecido pa boso dedicacion den e momentonan aki unda cu como pais nos ta enfrentando retonan nunca bisto pero sigur cu nos hunto nos lo surpasa.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio