L.G. Smith Boulevard: Diamars algo despues di 2’or y mey di marduga, algun persona cu tabata piscando un poco panort di Ritz Carlton, a sucha un zonido hopi duro, mescos cu un auto lo a dal masha duro. Mesora e personanan aki a yama polis. Un patruya di Noord cu tabata hopi cerca a yega di biaha na e sitio y enberdad a bin topa cu un Nissan March Blauw pega contra e cura di Ritz Carlton.
Mesora e agentenan a bay atende cu chauffeur kende net tabata bahando for di e auto, e tabata mustra bou influencia. E agentenan mesora a bay papia cu e chauffeur masculino aki y nan a bin nota cu e homber tabata mustra basta bou influencia di alcohol. Polis a pidi pa presencia di TRS y tambe a pidi pa un transportwagen di polis. E homber a wordo transporta pa warda di Shaba. E daño haci na e cura di Ritz carlton ta basta grandi.
