137
J.E Irausquin Boulevard – Diasabra anochi laat birando mey anochi, patruya di Noord ta topa cu un cabayero ariba parkeer plaats di The Village, parti patras di Gusto Night Club.
Loke nan a mira no tawata algo normal y pa e motibo aki a baha bay controla. E cabayero hoben aki tawata hinca den e matanan, y nan a constata cu e tawata asina burachi cu e no por a para ariba su pianan.
Mesora a pidi pa transportwagen, cu a yega y a hibe warda di Shaba. Eynan e lo keda te ora di dia habri y cu su haltura baha.