104
Hudishibana, California Lighthouse: Diasabra den oranan di mainta presencia di polis y ambulance a wordo pidi un poco pariba di California Lighthouse, pa un UTV cu a bolter y un persona a keda herida.
Na yegada polis nan bin topa cu un persona herida cu tabata keha di dolor na su man y a bin compronde cu un grupo di algun hoben a bay offroad cu UTV y pa un of otro motibo, un di e UTVnan lo a bolter y a cay riba man di un di e pasaheronan.
Ambulance a presenta na e sitio y personal di ambulance a trata e persona, muy probablemente e victima lo a kibra su dede. Ambulance a transporta e victima pa hospital pa un checkeo medico mas avansa.
E polisnan na e sitio a tuma tur datos di e sucedido, e daño material tabata minimo.