Home » Candela a cuminsa den un garashi a expande y a kima gran parti di un cas y auto den Timbalstraat

Candela a cuminsa den un garashi a expande y a kima gran parti di un cas y auto den Timbalstraat

by Admin
0 comments 155 views

Campanastraat/Timbalstraat, Tarabana: Diasabra den careda di 11’or y 15 di mainta, a drenta un informacion cu hopi huma ta saliendo for di un cas den Campanastraat, mesora a manda brandweer y polis na e sitio.

Na yegada a bin topa cu e cas Timbalstraat 6, na candela, habitantenan tabata tur desespera para pafo mirando nan hogar kimando, un candela feros cu hopi huma preto.

Dos truck di brandweer a yega na e sitio y tabata trata na combati e candela feros aki. E candela lo a inicia den un garashi banda di e cas y a expande kimando un gran parti di e cas y tambe e auto cu tabata den e garashi.

Polis a pidi cu urgencia pa presencia di slachtofferhulp mirando cu e habitantenan tabata hopi tristo y desespera, door di a perde un gran parti di nan pertenencia y nan hogar.

Brandweer hopi lihe a sa di domina y paga e candela.

Algun potret cortesia di brandweer su Facebook page y di arubanative.com su colaborador.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio