Spaans Lagoenweg, Pos Chikito: Diabierna den oranan di anochi presencia di polis a wordo pidi pa un caso di atraco riba e caminda di Spaans Lagoenweg. Mesora a manda un patruya na e sitio.
Na yegada enberdad nan ta topa cu un homber, e ta splica polis cu e la caba di traha y a pasa na un restaurant busca un cuminda prome cu e bay cas, e tabata canando den Spaans Lagoenweg bayendo cas cu su cuminda den man, e la wordo sorprendi pa dos persona hoben.
E dos hobennan aki a atak’e, nan a ranca su cartera y su celular for di dje, durante e lucha e homber a wordo herida y benta riba vloer.E dos atracador nan a sali bay direccion panort.
E homber a keda benta abou, habitantenan di Spaans Lagoen a sali bay yuda e homber, nan a lant’e y a yama polis. E homber tabata herida y tabata tin mester di asistencia medico. Ambulance tambe a presenta na e sitio, despues cu nan a trata e homber na e sitio a transport’e pa hospital pa un tratamento mas avansa.
Mientrastanto polis na e sitio a tuma tur datos y a pasa e caso aki den man di Atraco Team.
