Home » Stanley Clementina ta duna homeahe na Gibi Doran ku ‘Demostra Bo’.

Stanley Clementina ta duna homeahe na Gibi Doran ku ‘Demostra Bo’.

by Admin
0 comment 73 views

WILLEMSTAD –Stanley Clementina, e talentoso kantante, kompositor i multi-instrumentalista tei bek ku un vershon A Capella di e kantika ‘ Demostra Bo’, un homenahe na e legendario kreador di Ritmo Kombina, Gibi Doran. Ku e homenahe aki, Clementina ta rekonose e kontribushon signifikante di Doran, ku su ‘oeuvre’ di kantikanan ku a laga un imprenta permanente den nos subkonsiensia.
‘Biba Bai Laga Nan’ i ‘Bise Un Kos’ ta algún kantika favorito komposita pa Gibi Doran, pero ta ‘Mi Ke Demostra Bo’, ku a sali na aña 1992, huntu ku e banda Explosivos, ta esun más keri pa Clementina.

“E kos a kuminsa ku e banda di mi tio Sherman Rudolfina. kende a regala mi un guitara bass pa mi bai siña toka. Tambe ela regala mi un CD di Gibi i los Explosivos unda mi tabata skucha defuntu Uti Gregorio komo ehempel pa siña toka bass”, Clementina a splika.

Tambe Clementina a kuminsá kanta skuchando Gibi Doran komo inspirashon. “Mi a konose Gibi ku 14 aña di edat, tokando den e banda mano a mano ku Explosivos”, Clementina a splika. “Gibi tabata serio pero ela kuminda mi si, algu ku a hasi un impreshon grandi riba mí, ya ku e ta mi héroe musikal”. Clementina a haña e oportunidat pa konose Gibi Doran más djaserka ront di e lansamentu di ‘Kulpa Mi Numa’. Clementina tin 5 pa 6 aña ta kana ku e idea pa hasi un cover di ‘Demostra Bo’, unda Clementina ke mustra nos hubentut i diáspora kon importante ta pa duna rekonosementu na nos heroenan ora nan ta na bida. Gibi Doran ta e kreador di Ritmo Kombina i mérese e honor i apresio pa su kontribushon.

Di e manera aki, Clementina ke duna bèk na nos komunidat pa asina nos músika keda resona. Importante ta pa nota ku Clementina a pidi Gibi pèrmit pa ‘cover’ e kantika i a hasi un entrevista ku Gibi pa kapta su reakshon na final di e clip. Gibi di su banda no tabatin palabra pa gradisí Clementina pa e honor i a atmiti ku esaki a dun’é ’kippevel’. “Ta normal ora bo hasi algu asina, pa puntra doño di kurpa promé ku dal bai”, pues Gibi su aprobashon ta algu ku Clementina ta apresia un mundu. Ku e vershon A Capella di ‘Demostra Bo’, Clementina ta gradisi Gibi Doran pa su kontribushon i trabou, unda Clementina a siña hopi di e karera di vishonario artistiko. Pa más informashon, chèk e página sosial di Stanley Clementina na Facebook.com/StanleyAcoustic i Instagram @stanley clementina.

Finalmente, korda pidi pa e single ‘‘Demostra Bo’ na tur radio emisora i televishon popular riba nos islanan i bishita Clementina su página web www.stanleyclementina.com pa keda na altura di futuro presentashon.

‘‘Demostra Bo’ riba YouTube: Stanley Clementina – Demostrabo (Acapella Cover)

Stanley Clementina – Demostrabo (Acapella Cover)

Pa entrevista, por fabor yama Deya Mensche na +5999-5177115
In Ya Face … we’re in the business of groundbreaking exposure!

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio