Turista a hoga na Mangel Halto, despues di a bira malo den lama

Dialuna atardi pa 3:20 central di polis ta wordo notifica di un caso di hogamento na mangel halto.
Na yegada di patruya di polis ta topa cu personal di ambulance na e sitio di e sucedido.
Por a compronde cu un paar di joven den lama a topa cu e curpa sin bida ta drief. Nan a pidi nan amigo cu tabata den un kayak pa judanan. Nan ta logra pone e victima riba e kayak y bin cune canto. Personal di ambulance a purba re-anima e victima pero lamentabelmente no por a haci nada pa e victima.

Pa 4:40 dr Texier ta constata morto di e turista masculino S. naci na merca di 54 aña.
Polis technico a jega na e sitio , Recherche y slachtofferhulp.
Cuerpo policial ta manda palabra di condolencia na famia di e fayecido.