Home » Den e helicopter cu a crash tabata tin 4 persona abordo den cual dos a fayece, diversnan lo sali pa busca e black box

Den e helicopter cu a crash tabata tin 4 persona abordo den cual dos a fayece, diversnan lo sali pa busca e black box

by Admin
0 comment 107 views

Cerca di Aruba Diadomingo merdia den e helicopter di Marina Real di e tipo NH90, cu a crash tabata tin 4 miembro di tripulante.

E dosnan cu a fayece tabata Christine Martens, di Leeuwaarden, Friesland y tambe e cabayero Erwin Warnies. Christine Martens tabata un fotografo conoci den e mundo di moda na Friesland.

Durante e Press Conference na Hulanda Comandante Rob Bauer a bisa lo siguiente:
” Causa di e accidente no ta conoci ainda, pero un team di Divers abordo di Helicopter di Coast Guard Hulandes lo baha y busca e Black Box”

Aunke cu e buskeda lo no ta facil debi na biento fuerte, olanan grandi, y stroom Bauer a añadi.
Un investigacion lo cuminsa pa haya sa kiko exactamente a sosode.

E helicopter a sali de careda di 2’or y mey y a cay den lama un 12,5 KM for di costa di Aruba. Dos miembro di tripulante tabata tin mas suerte y a sobrevivi e crash, pero asina mes a trata na reanima Martens y Warnies, pero tabata sin resultado.

E accident a sosode riba un buelo patruyando pa Warda Costa. E causa di e accidente ainda no ta conoci. Tambe Defensie a tuma desicion di laga tur e helicopter di Marina real di e tipo NH90 keda tera, pa motibo cu Inspecion di siguridad di Defensie lo haci un investigacion profundo riba e helicopternan aki.

Christine Martens mes tabata entre 2010-2015, piloto di e SAR Helicopter, na e Vliegbasis di Marina Real na Leeuwarden. Banda di su trabou como militar e tabata fotografo y Makeup artist, e la yega di saca varios potret pa Vogue. Su coleganan na e base militar di Leeuwarden ta hopi tristo y nan ta convivi cu famia Martens den e momentonan dificil aki.

Premier di Hulanda Marc Rutte y tambe Minister di Defensie Ank Bijleveld a bisa cu locual a sosode a laganan den un shock grandi, nan a condoleer e famianan y tambe nan a bisa di ta a convivi cu nan na e momentonan dificil aki.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio