Home » SV La Fama Damas a duna reconocimento na su hungadonan pa tremendo temporada

SV La Fama Damas a duna reconocimento na su hungadonan pa tremendo temporada

by Admin
0 comment 85 views

Diabierna anochi e Comision di Futbol Damas di SV La Fama, a organisa un anochi di reconocimento pa su ekipo hoben pa un tremendo Campeonato di futbol organisa pa AVB, caminda e ekipo a termina na di tres luga.

 

Manera ta conoci e temporada 2019-2020 a wordo finalisa na momento cu corona virus a afecta mescos cu tur otro campeonato rond mundo por completo y cainda AVB a dicidi di cancela e temporada di futbol sin cu esaki a yega su fin.
Mirando e desaroyo aki, Comision di Futbol Damas a dicidi di honra su hungadonan cu a traha duro henter e campeonato caminda e ekipo a termina na di tres luga cu 11 wega hunga di cual nan a gana 4 wega, empata tres y a sufri cuater derota bon pa 15 punto cu a duna e ekipo derecho di a hunga e play off semi final.

 

Durante un anochi hopi placentero a rindo honor na e ekipo pa e esfuerso cu a wordo haci pa asina reconoce e hungadonan aki, kendenan a traha duro pa sigui dilanti c’un ekipo hopi hoben combina cu algun hungado di experencia.
Presidente di e Comision, sr Gilbert Croes a yama tur invitado di e anochi aki bon bini, entre nan Presidente di La Fama sr Andres Garcia y miembro di directiva Kathy Arends y a repara e logronan di e hungadonan.

 

E anochi a wordo culmina ora cu a duna tur hungado cu a participa na e campeonato y otronan cu a uni nan mes na e ekipo den ultimo lunanan, dunando tur hungado un medaya como reconocimento pa nan esfuerso haci y tambe un certificado pa reconoce esaki.

 

E culminacion di e anochi a bin ora cu a duna resultado di eleccion di e Hungado Mas Valioso di e campeonato cu a finalisa caminda e propio hungadonan a vota pa eligi e hungado aki.
E resultado final a bira cu na di tres luga a keda Avril Maldonado, na di dos luga a keda Edriana Molina y como MVP a keda eligi Shadira Croes, kende tambe a haya reconocimento como goalgetter di e campeonato c’un total di 13 gol cu el a logra di anota.
Presidente Andres Garcia a haci entrega di e bunita trofeo como reconocimento na e hoben hungado Shadira Croes pa su logro un biaha mas.

 

Comision di Damas di La Fama ta consisti di Presidente Gilbert Croes y miembronan Magaly Irausquin, Mayranda Arends Kock, Lindy Kock y Hareld Faro.
Na mes momento e ekipo a yama ayo na su hungado Roshyna ‘Shyna’ Werleman kende drento di algun dia lo biaha pa Hulanda pa sigui cu su estudio y el a ricibi un bunita shirt cu nomber y number cu el a usa durante di campeonato y el a ricibi tur bon deseo y di exito pa su estudio.
Fuera di entrega di premio e hungadonan a pasa algun momento sumamente agradabel loke tabata e intencion di e anochi aki tambe pa asina no permiti cu e campeonato aki ta pasa bay sin mas.

 

Preparacion pa e campeonato nobo ta bay inicia caminda e hoben aki cu ta conta cu un elenco di hungadonan hopi hoben hunto cu varios hungado di experencia y ta trata aki di Ayline Maduro, Avril Maldonado, Edriana Molina, Francien de Windt, Gardine Carty, Hadessah Kock, Jeanella Kock, Jereline Ras, Jill Bislip, Kimberly Soliana, Lorraine Oduber, Melody Glascov, Micheline Weller, Nicole Garcia, Nikita Alexander, Roschayna Werleman , Shadira Croes, Stacey Lampe y Tatiana Dangond, Shekina Chirino, Lulu Thijssen, Haili Angela, Jeyceline Werleman y Asher Kock.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio