Kamay: Diasabra den careda di 9’or y 20 di anochi, ta drenta un informe cu riba e caminda di Kamay lo tin un accident y cu tin un auto di polis envolvi. Mesora a manda varios otro patruya na e sitio.
Na yegada nana a bin ripara cu e patruya di polis no tabata envolvi, pero un pickup Chevrolet a dal contra un palo di lus.
Na e sitio e agentenan a bin compronde cu tabata trata di un pelea di un ex pareha cu lo a bay busca su pertenencia cerca su ex y esaki no a lo a wordo mucho aprecia y lo a cuminsa cu un discussion y pelea.
E pelea a bay for di man na momento cu un di e partidonan a dal e otro cu su cabes den su cara. Despues a cuminsa un supuesto persecusion, acercando e crusada pa bay Boroncana, e Pickup Chevrolet, mirando cu e tabata wordo persigui, lo no a regula su velocidad na tempo, e la baha caminda y a bay dal contra un palo di lus. E otro auto a pasa na banda y a sigui bay, pero despues di un rato polis a logra para e otro auto aki, polis a tuma tur datos di e chauffeur. E dama cu tabata envolvi den e problema aki, tambe a presenta na e sitio y a keda di bay Warda di Shaba pa entrega un keho oficial.
Mientras polis tabata papiando cu e chauffeur di e Pickup, e homber a bira poco fresco cu polis y polis a core for di e sitio.
Polis di trafico a presenta y a bay na cas di e doño di e pickup. Polis a tuma tur datos di ambos banda y despues a bay warda di Shaba pa tuma datos di e dama tambe. E daño material tabata considerabel.
