Sabana Liber – Diasabra marduga pa mas o menos 12:40 polis a bay e crusada na Sabana Liber cu ta bay pa Shasha. Eynan un auto a ranca un palo di luz cu su transformer completamente.
Na yegada mesora polis a pidi asistencia di mas patruya, pa cera e caminda. E motibo tawata cu masha hopi waya di coriente a keda colga, y ningun hende sa ariba cua tin coriente ainda.
Mitsubishi Outlander
E vehiculo un Mitsubishi Outlander cu dos ocupante tawata bayendo direccion pabou, ora cu segun nan version un auto Nissan lo a bin ariba nan banda.
Pa evita un choke frontal chauffeur di e Outlander lo a baha caminda cu velocidad halto ranca un palo di luz por completo.
Door di esaki un parti grandi di Kudawecha y vecindario a keda sin coriente.
ELMAR mesora a wordo poni na altura.
Pa loke ta e ocupantenan, Paramediconan a controla nan ora cu nan a yega na e sitio.
