Mas mucha lo ricibi material di scol Aruba Bank a redobla donacion na Rotaract

Oranjestad – Rotaract Club of Aruba a inicia un bunita projecto cu meta pa recauda material di scol pa muchanan den necesidad. Durante fin di siman volunarionan tawata presente na Dyon Center pa asina colecta e donacionan for di tur esnan cu kier contribui na e projecto.

Aruba Bank ta aplaudi e iniciativa y kier a uni su mes na e projecto pa yuda mas mucha cu ta posibel y asina confirma nan compromiso cu nos comunidad y sosteniendo nan pilar strategico “We Care”.

Representante di Aruba Bank, Roxanne Croes a sorpresa e miembronan di Rotaract dor di redobla e cantidad di donacion cu nan a logra colecta riba e dia aki.

Miembronan di Rotaract a keda hopi agradecido cu e contribucion di Aruba Bank.