ORANJESTAD – Hues di Corte den Promer Instancia a dicta sentencia den e caso penal cu Ministerio Publico a cuminsa contra e homber M. Arubanative por a compronde cu Fiscal ta acusa M. di a tene relacion sexual cu un mucha muher di 13 aña y a exigi 15 luna di prison.
Hues den su sentencia a bisa cu, mescos cu Fiscal y abogado a trece padilanti durante tratamento di e caso, e tambe no ta haya proba cu dia 24 April 2019, M. a abusa di e mucha. Hues a declara M. liber pa e acusacion ey.
Hues ta haya M. culpable di a tene relacion sexual cu un mucha muher di 13 aña. Hues a mustra cu tin suficiente prueba. Ademas di declaracion di algun testigo, Hues a mustra riba declaracion di dokter cu a presenta den Corte pa aclara su observacion. E dokter a splica cu no tin indicacion di violacion pero si cu e mucha tabatin relacion sexual.
Hues a bisa cu ley tey pa proteha muchanan. Hues ta haya e castigo exigenci di Fiscal na su lugar y a condena M. na 15 luna di prison kitando e tempo cu e ta sera den KIA.