Parke Arikok – Diaranson den oranan di mainta habitantenan vecindario di Parke Arikok por a mira movecion di polisnan. Segun informacion esnan responsabel pa e Parke lo a haya artefactonan di un entrada di personanan ilegal via lama.
Tur esaki a cuminsa for di oranan trempan, unda cu esnan cu conoce e Parke bon a tuma nota di iregularidad.
A haya entre otro dos surfboard y tambe un container di plastic y algun cos mas.
Un grupo lo a logra yega yera via un area poco mas pabou di Boca Prins.
Pues loke autoridad ta pensa, cu e hendenan aki lo bula for di e boto y usando e surfboardnan pa asina landa yega tera firme.
Ariba imagennan nos reportero a logra capta dos di nan.
Parse cu despues di un persecusion polis a para un pick up, y eyden tambe lo a haya personanan ilegal.
Loke a sosode tawata cu e pick up aki lo a piki un of mas di nan caba y a bolbe. Pero a haye confronta cu autoridad lo a spot e auto haciendo sospechoso y a bay su tras.
Asina mes e pick up lo a trata di huy, pero polis a logra stop e y detene esnan aden.
Tur hende a wordo a transporta pa warda di Santa Cruz.
Basta dia no a kende cu ilegalnan a drenta of purba drenta nos Isla. Pues esaki autoridad a logra captura, pero no sa exactamente cuanto mas si tawata tin suerte cu a logra scapa.
