Home » Premier Evelyn Wever-Croes: Di dos Cumbre cu Sindicatonan, Gremionan Comercial y cu Lidernan Politico: “CONDICIONNAN DI HULANDA PA CU AYUDO FINANCIERO DEN CUADRO DI CORONA VIRUS’

Premier Evelyn Wever-Croes: Di dos Cumbre cu Sindicatonan, Gremionan Comercial y cu Lidernan Politico: “CONDICIONNAN DI HULANDA PA CU AYUDO FINANCIERO DEN CUADRO DI CORONA VIRUS’

by Admin
0 comment 33 views

 

 

 

Gobierno di Aruba ta invita sindicatonan y gremionan comercial y Lidernan politico pa e di dos cumbre pa dialoga y duna informacion riba e condicionnan di Hulanda pa cu e ayudo financiero den cuadro di virus Corona. E encuentronan aki por wordo sigui via television y medionan social. Di e manera aki, Gobierno di Aruba, na un manera transparente ta haci posibel pa tur hende por sigui e encuentronan aki pa asina e informacion yega tur caminda. 

E cumbre pa sindicato y gremionan comercial lo tuma luga diaranson 15 di juli di 8or pa 10or di mainta na Renaissance Convencion Center. Por sintonisa e cumbre aki Live via pagina di Facebook di Gabinete Wever-Croes, TeleAruba y otro medionan social.

 

Despues di e cumbre cu e gremionan, di 10or di mainta pa 12or di merdia lo continua cu e cumbre pa Lidernan politico na Bestuurskantoor. Por sintonisa e cumbre aki Live via pagina di Facebook di Gabinete Wever-Croes.

 

Prome Minister Evelyn Wever-Croes lo duna apertura na e cumbrenan cu informacionnan di su conbersacionnan durante su biahe na Hulanda y e conbersacionnan andando den e ultimo dianan. Gremionan y Lidernan politico lo haya oportunidad di haci pregunta, duna comentario y sugerencia. 

 

Pa 2 ‘or di merdia Prome Minister Evelyn Wever-Croes lo ta den Parlamento pa un reunion. Por sigui na Live via canal di Parlamento.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio