Ariba tereno di Husticia: Hulanda kier ta liber pa drenta haci cualkier investigacion sin mester duna cuenta

Oranjestad – Dialuna mainta durante Minister President su presentacion di e Landspakket proponi door di Hulanda, un punto cu a resalta pa nos tawata e parti di Husticia.

Akinan Minister President Wever Croes a bisa cu, ariba e tereno di Husticia Hulanda kier pa e siguiente departamentonan por drenta y haya informacionnan ariba nan mes.

Ta trata di RST, Landsrecherche, Kustwacht, Koninklijke Marechaussee y ken sa cua departamento mas.

Hulanda ta papia di un “cooperacion”, pero di otro banda mester mira cu nan lo no bay tin mester ayudo mas di ningun departamento Hudicial di e isla mas.

Debi cu nan lo mag di opera ariba e isla sin mester pone ningun departamento Hudicial na altura.

Un punto hopi preocupante mes.