Informacion importante:
1. E interview aki ta pa ADULTO, pues no ta apto pa menor di 18 aña, pesey mes e ta 9 or di anochi. Mayornan ta responsabel pa vigila kiko nan jiunan menor di edad ta mira ariba rednan social.
2. E programa tin contenido sexual educativo, cu por ta explicito – dependiendo di cada hende nan percepcion – y nos ta anuncia esey prome y durante cada programa, pues si bo ta un persona delicado cu no ta sinti comodo cu esaki, nos ta consehabo pa no mira e programa.
3. Si bo dicidi di mira toch, a pesar di e advertencia aki, esaki ta ariba bo propio risico y responsabilidad y ta nifica cu bo ta bai di acuerdo pa scucha y mira contenido sexual cu por ta explicito.
4. Nos ta trese topiconan pa dilanti cu e solo intencion di habri e conversacion tocante sexualidad entre adulto, pa mehora comunicacion y intimidad den pareha. Nos no ta encurasha ni promove ningun acto sexual of estilo di bida. Como adulto, cada ken ta responsabel pa su propio escogencia y actonan. Nos ta respeta esaki.
5. Si bo dicidi di wak e interview aki, bo ta liber pa haci pregunta y comenta pero hasi esaki na un forma respetuoso. Tur pregunta y critica constructivo ta welkom y cualkier post cu intencion di ridiculiza, rebaha, insulta of discrimina lo wordo elimina imediatamente sigui pa blokeo di e persona cu a post esaki.
Un focus importante di Intima-C pa cu su tarea como educador sexual di adulto ta e uzo di safe sextoys. Hopi hende no sa, no ta compronde of no ta pone atencion ora di inverti den sextoys. Ta importante pa sa cual tipo di material por ta toxico of dañino pa bo salud y evita lo mas posibel di uza e sextoys cu ta traha di e tipo di material aki.
Materialnan pa evita:
1. Material poroso generalmente ta mas moli. Maske cu e grupo aki por contene algun tipo di plastic duro tambe, generalmente por asumi cu si un producto no ta traha di ABS plastic, e ta poroso. E problema cu sextoys cu ta traha di e tipo di material aki ta, cu nan tin buraconan microscopico caminda sushi y bacteria por acumula, y nunca esakinan lo por wordo haci limpi of desinfecta completamente. Esaki ta nifica cu e tipo di sextoys aki por re-infecta un persona cu un yeast infection of infeccion bacterial previo, of causa cu un infeccion transmiti sexualmente (STI) por empeora of ta wordo pasa di un persona pa otro.
2. Material cu ta contene phthalates. Phthalates ta un agente quimico cu ta wordo uza den cierto tipo di plastic pa hacie mas flexible (practicamente tur material poroso ta contene phthalates). E quimico aki tin un risico grandi pa causa cancer. E por wordo considera peligroso pa salud humano, y hopi hende ta experiencia reaccion alergico ora nan bin den contacto cu esaki. Ta dificil pa sa di antemano si un producto ta contene e quimico aki of no. Mayoria producto ta bisa riba nan label cu nan ta ‘phthalate-free’ pero esaki, principalmente si e productonan aki ta procedente di China, no tur ora ta e caso. Na U.S.A. tampoco ta existi regla pa cu e safety di materialnan di cual sextoys ta wordo traha. Pesey ta importante haci bo propio research y cumpra for di un compania cu ta haci investigacion profundo pa cu su sextoy suppliers, cu e meta pa percura pa e materialnan ta completamente safe y no toxico.
Materialnan safe:
Sextoys traha di material no-poroso (“non-porous”) generalmente ta di un calidad y prijs mas halto. E ventaha di inverti den un bon calidad di sextoy ta cu nan no ta wanta bacteria ni sushi y ta completamente sterilizable. Mayoria materialnan no-poroso ta mas duro, y ta inclui por ehempel silicone, glas, metal, palo y piedra. E mihor opcion ta silicone, ya cu aunke e ta no-poroso, toch e por ta bastante moli y suave, locual ta hacie un material perfecto pa esnan cu kier safety y hygiena, pero no ta gusta materialnan demasiado duro.
Checklist:
SAFE / RECOMENDABEL:
-Silicone
-ABS Plastic
-Stainless Steel
-Aluminum
-Borosilicate Glass
-Ceramica
-Palo pre-trata
-Piedra
UNSAFE / NO RECOMENDABEL:
-Jelly
-Elastomer
-Thermoplastic Rubber (TPR)
Pa mas informacion tocante sextoy safety, por tuma contacto cu Desiree Swaen (Intima-C Coach) of Julisa Arends-Hoevertsz (Intima-C Consultant) ariba e Facebook page: Intima-C (www.facebook.com/intimacskillsacademy/).