Oranjestad – Diabierna mainta trempan Hues a duna sentencia den un caso mas di Pedofilia. E caso aki a wordo trata algun siman atras unda cu a haya legalmente prueba cu e homber D. Tawata tene relacion sexual cu su yiu muhe.
Pareha di D. a haya dos video den cellular di D. y ta mira con su yiu muhe menor di edad teniendo relacion sexual cu D.
Esaki a sosode via e stem di e mucha, cu entre otro tres familiar a reconoce. Un di e famianan ta ruman muhe di D.
E yiu su actitud a cambia y su mama a nota esaki, e la bira hopi despresivo y tambe a cuminsa corta su mes y kier mata curpa. Segun N. su tata tawata menase cu si a papia/bisa algo.
Ora un mucha su actitud ta cambia y bira manera algun punto bisa mas ariba, mayornan mester actua mesora.
Ariba e video por mira con e tata tawata zoom cu su cellular durante cu e tawata tene relacion sexual cu e mucha, posiblemente pa haya bon shots. Durante cu e tawata haci esaki e cellular tawata capta tambe un tattoo cu D. tin ariba su man.
Tambe por a mira y scucha ariba e video cu e mucha no tawata disfruta di e sex. D. a admiti cu e ta ariba e video pero cu no ta mucha, sino un otro muhe.
Mientras e mucha a admiti di a tene relacion cu su tata y tambe tawata bisa e tata pa no filma, pero toch e tawata haci’e.
Fiscal a haya proba cu varios biaha durante e periodo di 4 juni 2016 pa 31 oktober 2019 D. a abusa di su mesun un yiu.
April 2019 ariba e dianan 2 y 5 e la filma con e tawata tene relacion cu su yiu menor di edad.
Esaki tawata e motibonan tambe cu e mucha a bira depresivo y a tawata corta su mes.
Door cu D. a abusa di e confiansa cu e mucha tin den su tata, Fiscal a exigi 6 aña di prison.
SENTENCIA
Hues ta haya cu tin suficiente prueba cu D. tawata tene relacion sexual cu su mesun yiu muhe. Y esaki por a mira claramente ariba e videonan cu kende D. tawata tene relacion. Pues tawata duidelijk y esaki a wordo reconoci tambe cu ta e yiu muhe N. cu ta menor di edad.
E mucha a declara esaki na trahado social y tambe na Psicologo, esta cu su tata tawata abusa di dje y admitiendo cu e ta ariba e video.
Desde cu e yiu a haci 12 aña e abusonan a cuminsa y a keda pasa pa un tempo largo.
Hues a bay di acuerdo cu loke Fiscal a pidi esta 6 aña di prison pa D.