ORANJESTAD – En conexion cu e pago di bijstand di luna di juli 2020, DAS (Departamento di Asunto Social) kier informa lo siguiente:
Pago di bijstand cash
Pago di bijstand cash ta sigui normal mañan diasabra 11 di juli 2020, cuminsando for di 8:00 am te cu 12:00 pm na tur localidad di custumber.
Pago di bijstand via banco
Pa loke ta trata clientenan cu normalmente ta cobra nan placa di bijstand via banco, lo cobra nan bijstand dialuna 13 di juli 2020 en adelante.
Final
DAS ta pidi su disculpa pa cualkier inconveniencia cu esaki por trece cu ne. Si bo persona tin cualkier pregunta por semper tuma contacto cu seccion di bijstand su liña di telefon ta 528-1110 of si esaki ta ocupa por tuma contacto cu DAS su number central cu ta 528-1100.
DAS ta riba facebook y tur update ta wordo comunica via su pagina Departameto di Asunto Social, like nos pagina esaki y keda na altura tur cambio rond nos servicio.
.