69
Driemasterstraat, Oranjestad: Diahuebs algo pasa di 6’or di atardi a drenta un informe den cual un auto a dal un ciclista na e T kruising di Driemasterstraat cu Professor Lorentzstraat y e ciclista lo tabata herida. Mesora a manda polis y ambulance na e sitio.
Na yegada nan a bin compronde cu e chauffeur di e Chevrolet Spark tabata biniendo for di Professor Lorentzstraat, e no lo a mira e bicicleta, e la subi e crusada y a dal contra e ciclista cu tabata bayendo direccion panort.
Polis di trafico a presenta na e sitio pa tuma tur datos, mienstras cu personal di ambulance a yega na e sitio pa atende cu e ciclista.