Doño di un compania lo a nenga di provee e cleanernan riba avion cu handschoen y mondkapje.
Oranjestad – For di algun siman caba Aruba a cuminsa habri su frontera y a cuminsa ricibi vuelonan for di diferente pais, cual ta mas cu claro pa motibo cu nos situacion economico no ta permiti pa keda mantene nos fronteranan mas cera.
Desde mañan vuelonan lo cuminsa yega for di Estados Unidos, net for di e dos cuidadnan cu ta mas infesta cu e coronavirus. Nos tur ta compronde si no habri nos lo muri di hamber y no por permiti esaki tampoco.
Na Aeropuerto di Aruba algun trahado cu ta haci limpi den avion, na momento cu avionnan yega Aruba, nos a ricibi informacion di algun di e trahadornan cu nan no ta hayando ni mondkapje y ni handschoen for di e doño di trabou. Ora cu nan puntra nan lo ta wordo bisa pa coy for otro avion of di otro compania.
E trahadonan ta preocupa pa nan salud y sigur lo sigui traha pero ta desea di haya e gearnan necesario pa nan por proteganan mes y ta sinti cu e compania no ta worry cu nan salud.
Nos ta spera cu rapidamente e compania aki realiza con importante e salud di su trahadonan ta y dunanan e gearnan necesario, cu ta mondkapje, handschoen, handsanitizers etc. di manera cu nan por sigui cumpli den tur trankilidad cu nan trabou.