Autoridad di Australia a manda pidi su extradiccion
ORANJESTAD – Actualmente un hoben Colombiano cu for di Februari 2020 ta deteni na Auba, ta wardando riba decision di Gobernador si ta aproba e peticion di extradiccion di autoridad di Australia.
Ta asina cu autoridadnan di Australia, na Februari 2020, a pidi asistencia di Ministerio Publico di Aruba pa detencion di un hoben Colombiano, kende ta sospecha di a asesina un dama di bida na Sydney y despues huy bin Aruba. Autoridad di Aruba a logra detene e hoben aki na cas di su mama, unda e tabata keda.
Embahada Australiano na April 2020 a manda e documentonan necesario na direccion di Asuntonan Exterior na Aruba. Tratamento di e caso di extradiccion a sosode via video conference relaciona cu e pandemia Covid.
Hof a manda su conseho pa Gobernador. Awor ta Gobernador mester dicidi si ta extradita e hoben Colombiano pa Australia.