Resultado di rifa di Colegio San Nicolas

Pa di cuater aña consecutivo, Colegio San Nicolas ta organisa un tremendo rifa. E rifa tabata destina pa cubri gasto di e alumnonan pa un biahe educativo na Madre Patria, sinembargo e plannan no por a sigui door di Covid19. E rifa si ta sigui mirando tur e compromisonan haci caba.

Diaranson 08 di juli 2020, e sorteo di rifa a tuma luga na Colegio San Nicolas. E docente- y alumnonan cu a yuda y a organisa e rifa tabata presente. E organisadonan conhuntamente cu e alumnonan kier yama un danki di curason pa tur cu a aporta y a duna nan sosten den un of otro forma. Tur ganado lo ricibi notificacion via telefon y nan ta invita pa bin busca nan premio dia di entregamento di premio cu ta diabierna 10 di juli entre 8 or pa 9 or di mainta.

Aki ta sigui e numbernan ganado. Un pabien ta bay na tur e felis ganadonan.