Dos accidente algun meter for di otro na crusada di Palm Beach

Palm Beach – Diaranson mainta polis a wordo notifica di un accidente na e crusada di Palm Beach y cu lo tin hende herida.

Na yegada polisnan a topa berdad cu dos auto cu a boks, tawata trata di un Hyundai Accent y un Nissan Platina, pero no tawata tin hende herida.

Momento cu nan tawata para eynan algun meter mas leu di nan ta sosode un otro accidente, entre un Mitsubishi Lancer y un auto Kia Rio.

Polisnan a bay mesora controla y eynan si tawata tin un persona cu mester asistencia medico.

Falta di preferencia a hunga un rol den ambos boksmento.