Oranjestad – Aruba Bank ta orguyoso di por a uni cu Stichting Monumenten Fonds den nan esfuerso pa restaura e unico forno di kalki aki na Aruba, situa aki nan den Ranchostraat.
Pa Aruba Bank e ta di sumo importancia pa nos por cuida edificionan historico, monumentonan y arkeologico pa sigura y salvaguardia e lugarnan na Aruba cu nos hendenan ta stima y pa conserva nan tambe pa futuro generacionnan.
Nos contribution financiero pa cu e proyecto aki no solamente a duna sosten na restaura e forno di kalki pa futuro generacionnan, pero mas bien un esfuerso cu esaki lo yuda mantene y sostene nos crecimiento financiero y alavez proteha nos patrimonio.
Esaki tambe por yuda na duna forsa na nos orguyo local, nutria abilidadnan di arte tradicional y tambe pa yuda nos comunidad y bishitantenan pa disfruta y haci uzo di lugarnan cu nos ta stima.
Masha pabien na full e team di e proyecto, Aruba Bank ta orguyoso di forma parti di esaki.
