Brabant – Polis na Hulanda a haci un razia na Brabantse Wouwse Plantage, unda cu via un tip a bin haya varios container.
Ta trata di 7 container cu lo mester a bay wordo usa como cambernan di tortura.
E containernan tawata bon isola pa ningun zonido sali y tambe completamente fura cu un sorto di foil. Posiblemente asina evitando cualkier heat seeking camera wak parti paden.
Seis di e container lo mester a sirbo como cel, unda hendenan lo ser mara. Un lo a bira e camber/container di Tortura.
Polis a haya handboei nan colga na e blafon y tawata tin un stoel di dentista wanta cu bols den vloer
A haya tambe un cantidad di tools cu lo a wordo usa pa comete e torturanan cruel. Por a mira skernan di corta mata, zaag pa corta mata, scalpels, handboeinan, vingerboeinan, tape, bivak muts, y saconan preto di katuna pa pone over di cabes di esnan cu lo a wordo tortura.
Encrochat – telefoons
Polis Hulandes a logra infiltra den e Encrochatnan di e mundo criminal, y sin cu e criminalnan tawata sa por a lesa y sigui miyones di chatnan.
Siguiendo tur e chatnan aki polis Hulandes a evita un cantidad grandi di, likidacion, atraconan, blackmail, secuestro y hopi mas. Un investigacion cu a cuminsa na april, unda tawata vigila un criminal(40) na Den Haag cu tawata prepara pa likida un persona.
E grupo criminal aki tawata of ta opera mescos cu Polisnan.
Nan tin nan teamnan special, cu ta encarga cu OT(observatie team). Uniform di polis, arma, borchinan di trafico, Van(auto) y bullet proof vest lo a wordo usa durante un secuestro.
Door di investigacion a logra infiltra den e Encrochat-telefoons cu por a desmantela un cantidad di bandanan criminal y evita un cantidad halto di likidacion y/of secuestro.
Polis mes tawata avisa esnan cu tawata core peliger pa nan sconde, haciendo e trabou di e criminalnan dificil.
Pa awor aki polis a detene 6 homber, cu ta relaciona cu e containernan di tortura haya na Brabant Hulanda.
