Awe nos Minister President hunto cu Minister di Finansas, Economia y Cultura tabata na Parlamento unda a informa cu un pakete incluyendo un documentacion di 2018 a ser ricibi ayera y unda tin no menos cu 18 exigencia entrenan un entidad cu lo maneha Aruba, bay den supervicion permanente di Reino permanente y 16 exigencia mas entrenan aumento di edad na 67 aña y BTW na 12,5 % of ABB na un cofra cu lo ta mucho mas cu 12,5% y mester bay cu tur e exigencianan pa por haya e di tres Tranche di fiansa.
Lamentablemente awe Minister President a indica na parlamento cu e documentonan aki di 218 pagina nos no por ricibinan debi cu ta documentonan dirigi na conseho di Reino cu abase di esaki mester tuma un decicion diabierna.
Kier pa Aruba firma diabierna
Hulanda kier forsa un political commitment pa diabierna pa por haya e fiansa pa di tres Tranche. Pero tur documento di e exigencianan ta desconoci pa pueblo y no kier duna parlamento esaki y sigur esaki no ta e manera di trata cu cambionan y sigur cambionan estatal cu niun minister ni parlamentario por tuma sin consulta cu pueblo y ta haci esaki uno condennabel. Hulanda ta haci mal uso di un pueblo den crisis di Covid.
Entidad nobo y RFT
A propone un entidad nobo cu lo goberna e pais aki y lo dicidi kico lo pasa cu placa di pueblo y sigur den e RFT aki si Aruba drenta no tin dia pa sali paso e salida tin di ser aproba den conseho di minsiteenan di Reino. Dos punto cu sigur a resalta ta dos decicion cu nan lo tin di tima di biaha cu ta aumento di BTW na 12,5% of un ABB cu no a pone cifra cuanto elo bira cu sigur ta hopi mas cu e 12,5% si BTW. Banda si esaki lo aumenta penshun na 67 aña. Tambe a ser treci dilanti cu lo bin reforma den husticia, finanzas, economia, enseñansa y hopi mas pero lamentablemente nos no tin un bista exacto kico mas paso nos no tin e documentonan necesario pa informa.
Decision di diabierna
Pa nos ta inaceptabel pa bay cu e condicionan di Hulanda pa motibo cu nos no a haya e documentonan y asina no ta trata parlamento di Aruba. Noa gobierno tampoco no ta di acuerdo cu e exigencianan y awo maske nos a xumlli cabalmente cu tur exigencianan y a haya conseho positivo pa Caft pa por haya e placa pa e siguiente 3 lunanan nos dilanti pero awo ta bay di e menasa cu si no acepta lo no ricibi ayudo mas.
Spera cu Hulanda por cambia di postura y yega na acuerdonan unda cu cada isla ta haya nan mes aden na bienestar di Reino