Home Local Procedura con pa notifica AO Sector Priva

Procedura con pa notifica AO Sector Priva

SHARE

 

 

Oranjestad 2 di juli 2020: Banco Social di Aruba SVb ta informa empleadonan di sector priva riba algun aspecto cu mester tene na cuenta na ora di notifica AO.

Tur empleado di sector priva cu ta resorta bao di Seguro di Malesa di SVb mester tene cuenta cu e procedura  pa notifica AO a wordo adapta. 

Pa empresanan den sector priva cu ta uza Webportaal, e trahado ta notifica AO cerca e doño di trabao. Esunnan cu ta notifica directamente na SVb mester tene cuenta cu e siguiente pasonan.

  1. Ta notifica AO na telefon 527-2782. No ta acepta notificacion di AO na otro number.
  2. SVb su orario di notifica AO ta:  di dialuna pa diabierna di 7:00 AM pa 12:00 PM y di 1:00 PM pa 3:00 PM. Den weekend di 7:00 AM pa 11:00 AM
  3. Si bay traha prome of riba e di tres dia despues cu a notifica AO no ta tuma

contacto mas cu SVb. 4. Si ta sigui malo riba e di 3 dia no ta presenta na SVb pa control pero, mester  yama  Administracion Medico di SVb na 280-5100 entre 7:00 AM pa 9:00 AM. No por yama ningun otro number di telefon. 5. Ora di yama 280-5100 mester: duna un number di telefon valido pa SVb por comunica cu e cliente riba e  mesun dia. E cliente mester ta pendiente pa ricibi e yamada aki. Si SVb yama bek y no haya contesta, e dia di AO no ta wordo aproba. 6. Ora SVb yama bek mester sigui e instruccion duna, cual por ta: SVb ta duna un fecha pa bay traha bek (fecha AG). Si ta sigui malo riba e fecha cu mester bay traha bek mester notifica SVb riba e mesun dia na telefon 280 5100. E cliente lo haya afspraak pa control medico na SVb. 7.Solamente cu afspraak ta permiti bishita nos oficinanan. No tin excepcion. Pa cada afspraak ta permiti 1 persona drenta, cu excepcion pa esnan den necesidad pa ayudo.

 

Si tin afspraak pa bishita SVb mester tene cuenta cu lo siguiente:

  1. Ora di drenta mester mustra paspoort, rijbewijs of cedula valido.
  2. No ta permiti entrada na persona cu griep, keintura y cu tosamento
  3. No por drenta edificio di SVb si no ta riba lista di afspraak.
  4. Sigui e instrucionnan duna pa bin na remarca pa compensacion . 

 

SVb ta pidi clientenan pa keda pendiente di comunicadonan y informacion cu ta keda publica riba su website www.svbaruba.org of riba su pagina di facebook.com/svbaruba.

SVb seguridad pa Aruba su comunidad.