Despues di a hinca su victima varios biaha e agresor a subi auto bay

Cura Cabay Zuid – Diahuebs anochi polis a wordo informa cu un persona a wordo hinca na Cura Cabay Zuid o sea na e flatnan.

Mesora un patruya a dirigi su mes pa e sitio.

Na yegada di polis nan a topa cu e victima, cu tawata tin varios hinca. E lo a ricibi un hinca serio patras di su cabes y otronan den su schouder. Ambulance mientrastanto tawata na caminda.

E victima tawata na tino y a splica polisnan ken ta e agresor y tambe cu e lo a bandona e sitio algun rato prome.

Agentenan a pidi a presencia di recherche y tambe bfto(departamento tecnico).

Na yegada di ambulance paramediconan a transporta e victima pa Hospitaal.