Home Sports Presidente di Aruba Taekwondo Bond Dr. Guaicaipuro Jimenez a bishita training na Baby Beach.

Presidente di Aruba Taekwondo Bond Dr. Guaicaipuro Jimenez a bishita training na Baby Beach.

SHARE
 
 
Diasabra ultimo un grupo di atleta di Taekwondo a train na Baby Beach y Presidente di Aruba Taekwondo Bond “ARTBO” a bishita e training aki. Dr. Guaicaipuro Jimenez tabata contento di por a mira e atletanan ta train bek awo cu Gobierno a duna e lus berde. Dr. Guaicaipuro Jimenez a saluda tur e atletanan y a papia cu varios di e atletanan pa tende di nan banda kiko nan a haci durante di e cuarentena. Dr. Guaicaipuro Jimenez a splica tambe cu ARTBO ta wardando ariba e plan di 2021 di Pan American Taekwondo Union “PATU” pa asina por traha ariba un programa.
Manuel da Silva di Sport 30 a presenta na e training y a entrevista Dr. Guaicaipuro Jimenez tocante di e plan di ARTBO pa locual ta trata 2020/2021. Dr. Guaicaipuro Jimenez a splica Manuel da Silva cu ARTBO tin un plan na caminda pa Taekwondo di Aruba y por segura cu Aruba su atletanan por crece grandemente. ARTBO ta wardando ariba confirmacion di nan steak holdernan y partnernan pa por sigui cu e plan di 2020/2024. 
 
Recientemente Monica Pimentel a pasa su examen pa Coach Internacional cu a wordo duna pa World Taekwondo Federation. Jennifer Baez Garcia kende ta train na Mexico a logra gana un medaya di Oro den e campeonato di Poomsae cu a wordo haci via zoom. World Taekwondo Federation ta haciendo varios actividad via zoom pa asina mantene e atletanan activo. ARTBO ta hopi contento cu ARUBA ta creciendo den Taekwondo dia pa dia.