Diabierna awor dia 3 di July y Diasabra dia 4 di July 2020 for di 7’or pa 10’or anochi, California Lighthouse lo ta habri anochi specialmente debi cu tin luna yen.
Den pasado esaki a resulta como un exito grandi y despues di bastante luna sera, tin e oportunidad atrobe pa subi anochi. California Lighthouse lo ta habri pa por subi te na e top pa por disfruta e bista unico di Aruba “by night”, debi na e luna yen, tin un bista hopi bunita di iluminacion di e luna riba lama, pero tambe riba tera.
Entrada lo ta solamente 10 florin pa residente. Sigur esaki ta un bista sumamente bunita tanto pa famia, grupo di amigo of parehanan romantico. Oficialmente e luna yena lo ta dia 5 di July, pero ja caba e dianan anterior e ta practicamente yen. E ‘Full Moon’ di e luna aki ta hiba e number di ‘Buck Moon’. No perde e oportunidad aki.