Home » Prome Minister Evelyn Wever-Croes: TIN HOPI INTERES DEN E PROCEDURA PA OPERADOR Y INVERSIONISTA NOBO PA REFENERIA Deadline 17 juli 2020

Prome Minister Evelyn Wever-Croes: TIN HOPI INTERES DEN E PROCEDURA PA OPERADOR Y INVERSIONISTA NOBO PA REFENERIA Deadline 17 juli 2020

by Admin
0 comment 104 views

 

 

 

Premier Evelyn Wever-Croes durante e conferencia di prensa semanal di Gobierno di Aruba a duna detayenan riba e situacion pa cu e refineria di Aruba. Segun Premier Wever-Croes e interes pa cu e refineria y e desaroyo alternativo cu Gobierno ta buscando ta hopi halto. E procedura di screening pa e tankinan a finalisa y awor RdA ta den proceso di negosacion cu e companianan pa huur e tankinan. Den total awor tin 10 tanki cu ta den bon estado pa verhuur.

 

Algun siman pasa, 8 di Juni, Gobierno a publica e Request for Expression of Interest (REOI 1) cu ta pa e refineria y (REOI 2) pa un desaroyo ful diferente. Pa e REOI 1 tawata tin interes grandi ya cu varios interesado ta sigui e procedura transparente y na manera digital y ta tuma contacto cu RdA pa haya informacion. Varios a entrega nan oferta caba pa e refineria cerca notario. E deadline ta dia 17 di juli, aki dos siman y mei y ta spera cu den e ultimo dianan mas interesado lo entrega oferta. Cosnan ta canando bon te awor. 

 

Recien por a nota den medionan di comunicacion cu un compania renombra mexicano lo a expresa su interes den e refineria. Prome Minister a indica cu e no por confirma esaki pasobra e mes no ta envolvi, pero Prome Minister a expresa cu esaki ta un bon señal si, cu companianan renombra ta interesa den nos refineria.

 

Pa un compania cu kier expresa su interes manera ta publica den e REOI nan, e mester haci esaki via di RdA y despues via un notario. Esaki ta basa riba reglanan internacional di World Trade Organization. Minister President mes no tin un rol eyden pa asina garantisa e integridad di e proceso. Solamente esnan cu aplica via e procedura indica, por bin na remarke. Si toch interesadonan reacciona a traves di oficina di Minister President, e interesado lo wordo informa pa aplica a traves di e procedura indica. 

 

Pa e REOI 2, mester remarca cu tin hopi interes tambe cual interes tampoco ta conoci pa Premier Wever-Croes pasobra e no ta envolvi den esaki tampoco. Dia 17 di juli e periodo ta cera y e ora ta cuminsa e evaluacion di e proyectonan.

 

Premier Wever-Croes a informa tambe cu sr. Oduber, cu tabata miembro di hunta di comisario di RdA nombra door di partido POR, mientras tanto a entrega su retiro, considerando e investigacion andando di e caso “Flamingo”, pa asina salbaguardia e integridad di tanto RdA como e proceso. 

 

“Mi a acepta su retiro pasobra berdad integridad tanto di RdA como di e proceso pa yega na un operador nobo, ta hopi importante. Mi tin fe y confiansa cu nos ta bay haya inversionistanan hopi interesante y potencial pa yuda nos cu nos economia cu lo trece progreso y bienestar pa nos pais”, Premier Evelyn Wever-Croes a declara.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio