Corsou: Entrada hudisial ku detenshon i konfiskashon 

Djaluna 29 yüni 2020, alrededor di 5’or di mardugá, personal di Divishon di Krímen Organisá a tene entrada hudisial den un kas na Biesheuvel. E entrada hudisial ta den kuadro di un investigashon penal ku ta andando relashoná ku un kaso di sekuestro i asesinato. En konekshon ku esaki a detené na e adrès ariba menshoná, e hòmber G.D.O.O. nasé na Venezuela di 28 aña di edat. Durante investigashon polis a haña i konfiská algun telefòn. A presentá e sospechoso dilanti un fiskal ouksiliar ku a ordená su enkarselamentu pendiente di mas investigashon.