Home Police Yerba tapijt ariba Watty Vos Boulevard ta wordo horta

Yerba tapijt ariba Watty Vos Boulevard ta wordo horta

SHARE
Watty Vos Boulevard  – Diasabra anochi pa mas o menos 11:30 team di Motor Unit a bay ariba Watty Vos Boulevard. Segun informacion, un homber lo tawata lanta e yerba artificial/tapijt.

Mesora brommer di polis den vecindario a yega e sitio. Dilanti e edificio di ex texas a bin mira iregularidad na e yerba/tapijt.

Loke polis a constata tawata cu ta mustra cu antisocialnan a corta un vierkant grandi di e yerba tapijt bay cu ne. Ambos banda ta mustra di a wordo corta y horta.

Siman pasa tambe nan a horta full un pida yerba tapijt bay cu ne.

Polisnan a tira bista ariba full Watty Vos Boulevard pero no a ripara cu nan a horta mas. Tambe a controla patras di Royal Funeral Home, pero no a haya nada.