L.G.SMITH BOULEVARD – Diasabra anochi den careda di 11’or polis a bay altura di ex free zone su cura, pa un auto cu a ranca palo di luz y palo di coco.
Bayendo Citgo Boulevard direccion Turbo Rotonde, tur e luznan di caya a cay afo door di e accidente mas pabou.
Na yegada polis a topa cu un Hyundai Veloster, completamente destrui y masha hopi cos gespart rond.
Un rato prome awa a jobe y esaki posiblemente lo por ta resultado cu e vehiculo a slip.
Por mira na e marcanan ariba e palo di luz y e mata di coco cu a auto a bin for di pabou, y perde control.
E auto un tire di padilanti a kita completamente y a keda benta poco mas pabou. Polis a papia cu e chauffeur cu no a resulta herida.
Door cu e auto a keda benta ariba caminda y no por a move mas ariba su mesun forsa a cera crusada Paardenbaaistraat.
Elmar a presenta pa fix un parti di e palo luz cu a keda gespart rond. Te cu dialuna lo caba di drecha e palo di luz.
Despues cu takelwagen a lanta e auto y DOW haci nan parti a habri e caminda bek.
