Home Police Problema di pareha a termina na un detencion disabra marduga

Problema di pareha a termina na un detencion disabra marduga

SHARE

Adriaan Laclé Boulevard  – Diasabra marduga den careda di 2’or polis a wordo informa di un Hyundai Getz color berde, cu un pareha den dje bringando. Esaki tawata den area di StadionGuillermo Prospero Trinidad.

Mirando cu e homber lo ta maltratando e muhe den auto, mesora varios unidad policial a bay eynan. Na yegada di e patruyanan e auto no tawata tey mas. Pero, patruyanan a cuminsa tira bista rond.

Banda di Cricket veld a spot a vehiculo coriendo luz paga, pero nan a perde for di bista.

No mucho leu, un poco mas pabou den Adriaan Laclé Boulevard yegando luznan di trafico polis a bin intercepta e Getz color berde.

Na mesun un momento ta nota cu ta un pareha conoci cu casi tur siman of ariba weekend tin problema cu otro. Pero, despues di algun ora nan ta bon bek cu otro.

Polis a topa cu e muhe cu ta biba den Caya Papa Juan Pablo, pero e no kier a papia nada cu polis y tawata cana bay.

Pa loke ta e homber e la wordo deteni, debi cu e lo a perde respet pa polis y tambe tawata maneha auto bou influencia. Ariba e homber polisnan a haya un sambechi.