Oranjestad- 27 di juni 2020 – Aruba Bank a duna un seminario di con pa maneha bo presupuesto y asuntonan financiero en general, na invitadonan di grupo Popcorn Dancers Aruba, diahuebs atardi. E seminario tabata uno hopi informativo y alabes interactivo p’e grupo, kendenan a haci hopi pregunta na e ehecutivo di Aruba Bank.
E invitadonan a ricibi lectura for di Aruba Bank riba con nan por maneha nan presupuesto na un manera mas mihor posibel. Invitadonan ta ricibi hopi tips y informacion valioso riba diferente topico. .
Representantenan di Aruba Bank Carina Boekhoudt y Elston Figaroa a duna un splicacion elabora riba e miho manera pa maneha awendia nan presupuesto especialmente durante di e crisis di Covid-19.
Pa Aruba Bank ta un placer pa mira e interes den comunidad pa ricibi guia financiero. E banco pionero ta habri pa tur esnan cu ta desea di ricibi mas informacion tocante con pa maneha nan asunto financiero, por manda un email na [email protected]. Aruba Bank ta gradici Freddy Tromp, leader di Popcorn Dancers, pa e oportunidad.
