Druivenstraat – Diamars anochi alrededor di 9:45 polis a wordo informa di un accidente entre brommer cu auto na e crusada di Guyabastraat cu Druivenstraat.
Informacion adicional tawata cu lo a start un bringamento.
Na yegada di polis nan a topa cu e auto Toyota y e brommer benta dilanti dje ariba caminda. Ariba acera e motociclista tawata drumi.
Den algun minuut ambulance tambe a yega, y mesora Paramediconan a baha pa atende cu e motociclista.
Debi cu tawata tin basta hende na e sitio, mas patruya a yega pa asina cos cana trankil. Patruya di trafico a presenta y a cuminsa compila tur dato posibel di e accidente. E accidente a sosode momento cu e auto a subi e crusada y posiblemente no a mira e brommer na su man robes.
Mientrastanto Paramediconan a lanta e motociclista herida y transporte pa Hospitaal.
