67
Montserat – Diasabra merdia pa atardi autoridad hunto cu team di observacion tawata vigila y prepara pa drenta un cas na Montserat.
Un cantidad grandi di polis hunto cu recherche a drenta y efectua detencion, tanto na Montserat y segun nos a compronde na Palm Beach, un poco mas pabou.
Segun por a compronde un total di tres hende homber a wordo deteni.
Autoridad a continua ta rista den e cas y despues a pidi presencia di BFTO(polis tecnico) pa saca potret paden.
No ta conoci kiko tur a wordo confisca y tampoco e motibo directo di e entrada hudicial.
Di parti Cuerpo Policial no a ricibi te cu awor un relato oficial di e accion aki.