172
Belgiëstraat/ Ierlandstraat – Diasabra merdia pa atardi algo pasa di 3’or un accidente cu hende herida ta sosode altura di veld di Riverplate.
Na yegada di polis nan a bin topa un Chevrolet Tahoe y un SUV color shinishi.
Polis na yegada a constata cu tin tres persona herida. Mesora polis a pidi Ambulance.
Na yegada di Ambulance un di esnan herida no tawata kier asistencia medico.
Despues di basta papiamento y splicacion cu si algo pasa e persona despues ta ariba su mesun responsabilidad. Asina e persona a dicidi di acepta pa wordo atendi cu e Paramediconan.
E accidente mes a sosode momento cu e Tahoe tawata bayendo zuid y via Ierlandstraat e SUV shinishi subi caminda cu e consecuencianan ya menciona. Ambos auto a ricibi hopi daño material.
