Oranjestad – Arubanative hunto cu Lex a Taha a sinta cu Sr.Gino Frans cu no ta un persona desconoci ariba nos isla. Gino ta un Drugsbestrijder y ta yuda adictonan den e parti di rehabilitacion.
Gino kier a comparti un experiencia cu e y su famia a pasa den momento cu nan a muda den un cas, algo di hopi aña atras.
Segun Gino, den e cas tawata tin “algo”, por yame un energia malo cu tawata pone rumannan bringa cu otro solamente ora nan ta den e cas. Esey ta solamente algun cos, fuera cu e tawata manifesta su mes y varios hende a scucha y mira e Entity.
Una bes pafo di e cas, of miho bisa ora nan no ta cas no tin ningun problema, pero manera nan tur ta na cas problema ta start. Hopi biaha sin ningun motibo valido.
Aki na Aruba tin hopi cas asina, cu habitantenan ta experencia situacion straño, pensando cu kizas nan imaginacion ta hunga un rol. Y esaki ta bira e motibo cu hopi hende no kier papia ariba e tema, pa otro hende no bay pensa cu nan tin un of otro problema mental of ta usa droga.
Den e caso di Sr.Frans e la bin dilanti y conta nos algun di e cosnan Paranormal cu a pasa cu ne y su famia, e ta conta di dos diferente cas unda cu nan a experencia esakinan.
