E crisis di covid-19 a causa un impacto mucho mas grandi di loke nos tur por a premira. Un ‘normal’ nobo y un realidad nobo. Esaki ta conta pa henter Aruba, incluyendo nos cuido medico. Siguiendo e instruccion di gobierno di Hulanda y Aruba, AZV a analisa diferente scenario y instrumento cu por wordo introduci pa asina yega na e corte sustancial di 5 miyon pa luna. AZV ta haya importante pa purba mantene e cuido medico mas intacto cu ta posibel y te unda cu por.
Entrante 1 di juni 2020 tin cambio den e maneho di AZV pa loke ta Cuido Medico Den Exterior:
- E tratamento medico pa e pashent den exterior ta keda cubri door di AZV.
- Estadia den hotel ta keda cubri door di AZV, tanto pa pashent como acompañante social.
- Ticket di biahe pa pashent ta keda cubri door di AZV.
- Ta introduci un aporte propio di 300 florin pa e ticket di e acompañante social.
- E aporte financiero (esta daggeldvergoeding) pa e pashent cu no ta interna den hospital ta wordo adapta na 50%.
- E acompañante social di e pashent no ta ricibi aporte financiero (daggeldvergoeding) pa cuminda y bebida.
Kico ta e sumanan di aporte financiero (daggeldvergoeding) pa pashent?
Colombia / Corsow / Merca:
Asegurado 4 te cu 12 aña: $ 5 pa dia. Asegurado > 13 aña: $10 pa dia.
Hulanda:
Asegurado 4 te cu 12 aña: € 5 pa dia. Asegurado > 13 aña: € 10 pa dia.
Nota: Algun clinica ta ofrece servicio di transporte gratis. Esaki ta conta pa e trayecto airport pa hotel y hotel pa e clinica. Tur otro transporte ta pa bo propio gasto cu excepcion di e suma di $40 cu AZV ta ofrece un solo biaha.
Página 2 15 de junio de 2020 Referencia #:
҉ Pa e aseguradonan cu actualmente ta den exterior tin un periodo transitorio y e cambionan aki ta bay na vigor entrante 1 di juli 2020.
Masha danki pa boso atencion y comprension.
