Sero Biento – Diasabra marduga 1’or patruya di Santa Cruz hopi atento a spot algo na Well Well bar restaurant cu a hala nan atencion.
Rond di e establecimento na un manera tactico tawata tin masha hopi auto staciona.
https://www.facebook.com/watch/?v=2009326655858734
Ora polisnan a bay controla mas profundo a bin ripara cu aunke e luga ta mustra completamente cera paden tin hende.
Mesora a pidi asistencia di mas patruya y a manera esakinan a yega a bay over na bati na e porta parti pabou di e bar restaurant.
Eynan un cabayero a habri e porta, y a splica polis cu ta un fiesta priva e ta, parse cu tawata trata di un fiesta di hacimento di aña. Despues e doño un dama chines a presenta na e porta tambe, y a splica polis cu e cabayero ta su amigo etc etc.
Polis na nan turno a splica e ambos cu esaki no ta permiti y cu tur hende mester bandona e luga. E dama Chines a pidi polis sorry y cu e lo no pasa mas.
Un grupo di polis a drenta paden y asina zorg pa tur hende sali.
Den un rato por a mira un cantidad grandi di tanto homber y muhe sali y subi nan autonan bay.
Esakinan ta situacionnan cu polis mester deal cu ne tur weekend, desde cu a kita TDQ.
Aki ta mira cu no ta trata di e publico solamente cu no ta bay nan cas ora e establecimento cera, pero doñonan cu ta cera porta dilanti pero ta keda draai pa gana mas placa.
Ta keda den man di Gobierno y Ministerio Publico pa fiha un sancion, sino tur weekend lo tin e mesun problema.
